Trend ပရိသတ်ကြီးအတွက် ဒီတစ်ခါတော့ ပိတ်ရက်မှာ သရေစာအနေနဲ့ရော၊ဗိုက်ပြည့်စာအနေနဲ့ရော စားလို့ရတဲ့ ပါစတာချက်နည်းလေးပြန်လည်မျှဝေပေးချင်ပါတယ်။သူငယ်ချင်းတွေနဲ့အတူစုလုပ်စားပြီး ရုပ်ရှင်လေးကြည့်လိုက်၊စားလိုက်နဲ့ အရမ်းပျော်စရာကောင်းတဲ့ပိတ်ရက်လေးဖြစ်မှာပါပဲ။ချက်နည်းလေးကလည်း လွယ်ကူပါတယ်။လိုအပ်တာကတော့ ပါစတာတစ်ထုပ် ၊ဆော့စ်အချဉ်ရည်တစ်မျိုး
ဘယ်လိုချက်ရမလဲဆိုရင် ပထမဆုံး ကိုယ်စားချင်တဲ့ပါစတာအမျိုးအစားတစ်ထုပ်ကိုရွေးဝယ်ပါ။ပြီးရင် အိုးအသေးတစ်လုံးထဲကိုရေတစ်ဝက်ကျော်ကျော်ထည့်ပြီး ဆူအောင်တည်ထားပါ။ခဏနေရင် အိုးထဲကို ထမင်းစားဇွန်းနဲ့ဆားတစ်ဇွန်းထည့်လိုက်ပါ။ရေနွေးဆူလာပြီဆိုရင် ပါစတာအထုပ်ကိုထည့်လို့ရပါပြီ။အဖုံးအုပ်ထားစရာမလိုပါဘူး။
ပါစတာထည့်ပြီး ၁၀ မိနစ်လောက်ကြာတဲ့အခါ တစ်ခုကိုယူပြီးကိုက်ကြည့်လိုက်ပါ။မာနေသေးရင် ၃ မိနစ်လောက်ထပ်တည်ထားပါ။ပြီးရင်တော့ ပါစတာတွေကို ဇကာတစ်ခုထဲဆယ်ထည့်လို့ရပါပြီ။
အိုးထဲကရေတွေသွန်ပြီးမှ ပါစတာတွေကိုအိုးထဲပြန်ထည့်ပါ။အပေါ်ကနေသံလွင်ဆီ ထမင်းစားဇွန်းနဲ့တစ်ဇွန်းဆမ်းပြီး ကိုယ်နှစ်သက်ရာ ခရမ်းချဉ်သီးဆော့စ်၊ငရုတ်သီးဆော့စ် တခြားဆော့စ်တစ်မျိုးမျိုးကိုထည့်ပြီး နှံ့အောင်မွှေပါ။ပန်းကန်ထဲထည့်ပြီးရင်တော့ အလှဆင်တဲ့အနေနဲ့ အပေါ်ကနေ မုန်လာရွက်ဖြစ်ဖြစ်၊ပင်စိမ်းရွက်ဖြစ်ဖြစ် ညှပ်ပေးလို့ရပါတယ်။ပြီးရင်တော့ အရသာရှိတဲ့ပါစတာလေးစားလို့ရပါပြီ။
ဆော့စ်ကို အပြင်ကမ၀ယ်ချင်ဘူး။အိမ်မှာပဲ ကိုယ်တိုင်သန့်ရှင်းလတ်ဆတ်စွာလုပ်ချင်တယ်ဆိုရင်လည်း လွယ်လွယ်လေးပါ။
ခရမ်းချဉ်သီးလေးလုံးလောက်ရေဆေးပြီးလှီးထားပါ။ဆော့စ်လုပ်ဖို့ အိုးအသေးတစ်လုံးထဲကို သံလွင်ဆီနည်းနည်းထည့်ပြီးမီးဖိုိပေါ်တင်လိုက်ပါ။ဆီကျက်သွားတဲ့အခါ ငရုတ်ကောင်းမှုန့် စားပွဲတင်ဇွန်းတစ်ဇွန်းစာထည့်ပါ။ပြီးရင် ကြက်သွန်နီအ၀ါကို ပါးပါးလှီးပြီးထည့်မွှေပါ။၂မိနစ်လောက်ကြာရင် ပါးပါးလှီးထားတဲ့ဂျင်းနည်းနည်းထည့်ပါ။ခဏနေလို့ ကျက်သွားရင်လှီးထားတဲ့ခရမ်းချဉ်သီးတွေကို ထည့်လိုက်လို့ရပါပြီ။ထည့်ပြီးရင် ဆားနဲ့သကြားကို စားပွဲတင်ဇွန်းတစ်ဇွန်းစာလောက်စီထည့်ပါ။၁၅ မိနစ်လောက်ထားပြီးရင်တော့ ပါစတာအတွက် ခရမ်းချဉ်သီးဆော့စ်မွှေးမွှေးလေးရပါပြီ။ကြက်သား၊ပုစွန်တွေနဲ့တွဲဖက်စားသောက်ရင် တကယ့်ကိုအရသာရှိတဲ့အစားအစာတစ်ခုဖြစ်မှာအသေအချာပါပဲ။
ကဲ အရသာရှိတဲ့ ပါစတာနဲ့ခရမ်းချဉ်သီးဆော့စ်လုပ်နည်းလေးပြောပြပြီးပြီဖြစ်လို့ ပိတ်ရက်မှာလုပ်စားကြည့်ဦးနော်
ကိုယ်တိုင်ပါစတာချက်စားချင်တယ်ဆိုတဲ့ အစားတစ်လိုင်းပရိသတ်ကြီးအတွက်…
Reviewed by Daily Myanmar Media
on
November 26, 2018
Rating:
Reviewed by Daily Myanmar Media
on
November 26, 2018
Rating:
